|
|
Lorando delos oios q no viestes atal
Asis parten vnos dotros como la vnã dela carne
Myo co çid co los sos vassallos pensso de caualgar
Atodos espando la cabeça tornado ua
Ata grand sabor fablo minaya albarfanez
Çid do son uros es fuerços en bue ora nasqiestes de madre
Pensemos de yr nra via esto sea de vagar
Auntodos estos duelos en gozo se tornaran
Dios q nos dio las almas conseio nos dara
Al abbat don sancho torna de castigar
Como sirua adona ximena & alas fijas q ha
E a todas sus duenas q co ellas estan
Bie sepa el abbat q bue galardon dello pndra
Tornado es don sancho & fablo albarfanez
Si vieredes yentes venir por connusco yr
Abbat dezildes q pndan el Rastro & piessen de adar
Ca en yermo o en poblado poder nos han alcançar
Soltaro las Riendas piessan de andar
Çerca viene el plazo por el Reyno qitar
Vino myo çid iazer a spinaz de can
Otro dia manana pienssa de caualgar
Grãdes yentes sele acoien essa noch de todas partes
Yxiendos ua de trra el capeador leal
De siniestro sant esteua vna buena çipdad
|
