|
|
Salidos son de valençia epienssan de andar
Talles ganançias traen q son a aguardar
Andan los dias & las noches & passada han la sierra
Q las otras tierras parte
Por el Rey don alfonsso toman sse apguntar
Passando van las sierras & los montes & las aguas
Legan a valadolid do el Rey alfonsso estaua
En viauã le mandado po vermuez & mynaya
Q mandasse Reçebir a esta & conpana
Myo çid el de valençia en bia su psentaia
Alegre fue el Rey non viestes a tanto
Mando caualgar apiessa tosdos sos fijos dalgo
Hyen los pimeros el Rey fuera dio salto
Auer estos mensaies del q en bue ora nasco
Los yfantes de carrion sabet ys açertaron
El conde don garçia so enemigo malo
Alos vnos plaze & alos otros va pesando
A oio lo auien los del q en bue ora nasco
Cuedan se q es almofalla ca no vienen co madado
El Rey don alfonsso seyse sciguado
Mynaya & p vermuez adelante son legados
Firieron se a trra deçendieron delos caualos
Antel Rey alfonsso los ynoios fincados
Besan la trra & los pies amos
Merçed Rey alfonsso sodes tan ondrado
Por myo çid el campeador todo esto vos besamos
|
