|
|
Fata dentro en medina denles qanto huebos les fuer
Desi adelant piensse dellas el campeador
Espidios mynaya & vasse dela cort
Los yffantes de carrion dando yua conpana aminaya albarfanez
En todo sodes pro en esto assi lo fagades
Saludad nos a myo çid el de biuar
Somos en so pro qanto lo podemos far
El çid q bien nos qiera nada non perdera
Respuso mynaya esto non mea por q pesar
Hydo es mynaya tornansse los yffantes
Adelino pora san po olas duenas estaen
Tan grand fue el gozo qandol vieron assomar
Deçido es mynaya assan po va Rogar
Qando a cabo la oro asan po le alas duenas se torno
Omilom dona ximena dios vos curie de mal
Assi ffaga a uras fijas amas
Saluda uos myo çid alla ond de elle esta
Sano lo dexe & con tan grand Rictad
El Rey por su merçed sueltas me uos ha
Por leuaros a valençia q auemos por hedad
Siuos viesse el çid sanas & sin mal
Todo serie alegre q non aurie nigun pesar
Dixo dona ximena el ciador lo made
Dio tres cauallos mynaya albarfanez
En violos a myo çid avalençia do esta
Dezid al canpeador q dios le curie de mal
|
