|
|
Adeliño pora castiella minaya albarfanez
Dexare uos las posadas no las qiero contar
Demando por alfonsso do lo podrie fallar
Fuera el Rey a san fagunt avn poco ha
Tornos a carrion y lo podrie fallar
Alegre fue de aqsto minaya albarfanez
Con esta psenteia adelino pora alla
De missa era exido essora el Rey alfonsso
Afe minaya albarfanez do lega ta apuesto
Finco sos ynoios ante todel pueblo
Alos pies del Rey alfonsso cayo co grad duelo
Besaua le las manos & fablao ta apuesto
Merçed senor alfonsso por amor del ciador
Besaua uos las manos myo çid lidiador
Los pies & las manos como atan bue senor
Ql ayades merçed siuos vala el ciador
Echastes le de trra no ha la ura amor
Mager en trra agena el bie faze lo so
Ganada a xerica & a ondrra por nombre
Priso a almenar & a muruiedro q es miyor
Assi fizo çebolla & adelañt casteion
E pena cadiella q es vna pena fuert
Con aqstas todas de valençia es senor
Obipo fizo de su mano el bue campeador
|
