|
|
Cras ala manana penssemos de caualgar
Dexat estas posadas & yremos a delant
Estonçes se mudo el çid al puerto de alucant
Dent corre myo çid a huesca & a mont aluan
En aqssa corrida .x. dias · ouieron amorar
Fueron los mandados a todas partes
Q el salido de castiella asilos trae tan mal
Los madados son ydos atodas partes
Llegaro las nueuas alconde de barçilona
Q myo çid Ruy diaz ql corrie la trra toda
Ouo grad pesar & touos lo a grand fonta
El conde es muy folon & dixo vna vanidat
Grandes tuertos me tiene myo çid el de biuar
Dentro en mi · cort tuerto me touo grand
Firiom el sobrino & no lo en mendo mas
Agora correm las trras q en mi aenpara estan
Non lo des afie nil torne enemistad
Mas qando el melo busca yr gelo he yo demadar
Grandes son los poderes & a priessa seuan legado
Gentes se le alegan grades entre moros & xianos
Adelinan tras myo çid el bueno de biuar
Tres dias & dos noches penssaron de andar
Alcançaron a myo çid en teuar & el pinar
Asi viene es forçado q el 9de amanos sele cuydo tomar
Myo çid don Rodrigo trae grand ganançia
|
