|
|
Grado adios & alas sus vertudes scas
Mientra uos visqieredes bie me yra amj minaya
Dios como fue alegre todo aql fonssado
Q minaya albarfanez assi era legado
Diziendo les saludes de pimos & de hermanos
E de sus companas aqlas q auien dexadas
Dios como es alegre la barba velida
Q albarfanez pago las mill missas
E ql dixo saludes de su mug & de sus fijas
Dios como fue el çid pagado & fizo grant alegria
Ya albarfanez biuades muchos dias
Non lo tardo el q en bue ora nasco
Tierras dal caz negras las va parando
E a derredor todo lo va pando
Alterçer dia don yxo y es tornado
Hya va el mandado por las trras todas
Pesando va alos de monço & alos de huesca
Por q dan parias plaze alos de saragoça
De myo çid Ruy diaz q no temien niguna fonta
Con estas ganançias ala posada tornando seua
Todos son alegres ganañçias traen grandes
Plogo a m̃yo çid & mucho a albarfanez
Sonrrisos el caboso q non lo pudo en durar
Hya cauallos dezir uos he la verdad
Qi en vn logar mora siemp lo so puede menguar
|
