|
|
Delos sos oios tan fuerte mientre lorando
Tornaua la cabeça & estaua los catando
Vio puertas abiertas & vços sin canados
Alcandaras uazias sin pielles & sin mantos
E sin falcones & sin adtores mudados
Sospiro myo çid ca mucho auie grades cuydados
Ffablo myo çid bie & tan mesurado
Grado ati senor padre q estas en alto
Esto me an buelto myos enemigos malos
Alli pienssan de aguiiar alli suelta las Riendas
Ala Exida de biuar ouiero la corneia diestra
E entrado a burgos ouiero la siniestra
Meçio myo çid los ombros & engrameo la tiesta
Albricia albarffanez ca echados somos de trra
Myo çid Ruy diaz por burgos en traua
En su copana .Lx. pendones leuaua exie lo uer mugieres & uarones
Burgeses & burgesas por las finiestras son puestas
Plorado delos oios tato auyen el dolor
Delas sus bocas todos dizia una Razo
Dios q bue vassalo si ouiesse bue Senor
Conbidar le yen de grado mas niguno no osaua
El Rey don alfonsso tato auie la grad sana
Antes dela noche en burgos del entro su carta
Con grad Recabdo & fuerte mientre sellada
Q a myo çid Ruy diaz q nadi nol diessen posada
|
