Facsimile view

Mocedades de Rodrigo. Edición digital

Title	Mocedades de Rodrigo
Date of the manuscript	ca. 1360
Location of the manuscript	Bibliothèque nationale de France, Richelieu: Espagnol 12
Reference in PhiloBiblon	BETA texid 1110
Lenght	1150 versos

188r (b) <

Page 188v (a)

> 188v (b)

Et tenjendo la Jnfanta los ojos. vio venjr grandes poderes. ¶ Et dixo el conde muertos somos mal peccado. Ca hae vos aquj los poderes del rrey don sancho mj hemano. ¶ Et el conde tendio los oJos & fue los poderes devissando. ¶ Et conoçio los poderes. & fue muy ledo & muy pagado & dixo ala infanta esta es castilla q me suele bessar la mano. ¶ Et la jnfanta paro las cuestas. Et caualgo muy puado enla mula del açipste el conde. Et de pie yua la jn fanta. ¶ Et salio del monte puado. & qndo lo viero los castellanos todos se maravillaron. Mas nol bessaron la mano. Nin Senor non llamaron. ¶ Ca avian fecho omenaje. A vna piedra q traxieran enl carro. Que trayan por senor fasta q fallaro al conde. ¶ Et tornaro la pied a senblança del monte de oca. al logar donde la sacaron. ¶ E todos al conde por senor. le bessaron la mano. ¶ Etste conde frrnad gocalz despues q en castilla fue alçaldo ¶ Mato al rey don sacho odonz de nauarra. ¶ Et el fuera en de gollarlo con su mano. ¶ Et non qrya obedeçe el code. a moro njn xpiano. ¶ Et enbiol dezjr al Rey de leon. fijo de do suero de casso don alfonso avia por nobre ¶ El Rey enbio al code enpla

Text view • Wordcloud • Manuscript line view • Pageflow view • Named Entity View • Geolocation view