Facsimile view

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
63r < Page 63v > 64r
Atorgan los alcaldes tod esto es Razon Dixo el conde don garçia aesto nos fablemos Essora salien aparte yffantes de carrion Con todos sus parientes & el vando q y son Apiessa lo yuan trayendo & acuerdan la Razon Avn grand amor nos faze el çid campeador Qando desondra desus fijas no nos demanda oy Bien nos abendremos con el Rey don alfonsso Demos le sus espadas qando assi finca la boz E qando las touiere partir sea la cort Hya mas non aura derecho de nos el çid canpeador Con aqsta fabla tornaron ala cort Merçed ya Rey don alfonsso sodes nro senor Nolo podemos negar ca dos espadas nos dio Qando las demanda & dellas ha sabor Dar gelas qremos dellant estando uos Sacaro las espadas colada & tizon Pusieron las en mano del Rey so senor Saca las espadas & Relumbrã toda la cort Las maçanas & los arriazes todos doro son Marauillan se dellas todos los omes buenos dela cort Reçibio las espadas las manos le beso Tornos al escano don se leuanto En las manos las tiene & amas las cato Nos le pueden camear ca el çid bien las connosçe Alegros le todel cuerpo sonrrisos de coraçon Alçaua la mano ala barba se tomo Par aqsta barba q nadi non messo

Text view • Wordcloud • Manuscript line view • Pageflow view • Named Entity View • Geolocation view