Facsimile view

Poema de mio Cid. Edición digital

TitlePoema de mio Cid
Date of the manuscriptca. 1325
Location of the manuscript Biblioteca Nacional de España, VITR/7/17
Reference in PhiloBiblon BETA texid 1109
Lenght3734 versos
48v < Page 49r > 49v
Los moros son muchos derredor le çercauan Dauan le grandes colpes mas nol falssan las armas El q en buen ora nasco los oios le fincaua En braço el escudo & abaxo el asta Aguijo a bauieca el cauallo q bien anda Hyua los ferir de coraçon & de alma En las azes pimas el campeador entraua Abatio a vij. & a .iiij. mataua Plogo a dios aqsta fue el arrancada Myo çid co los suyos cae en alcança Veriedes qbrar tãtas cuerdas & arrancar se las estacas Eacostar se los tendales co huebras eran tantas Los de myo çid alos de bucar delas tiendas los sacan Sacan los ddelas tiendas caen los en alcaz Tanto braço co loriga veriedes caer a part Tantas cabeças co yelmos q por el campo campo caen caen Cauallos sin duenos salir a todas partes vij. migos conplidos duro el segudar Myo çid al Rey bucar cayol en alcaz Aca torna bucar venist da lent mar Verte as co el çid el de la barba grant Saludar nos hemos amos & taiaremos amistas Respuso bucar al çid cofonda dios tal amistad El espada tienenes desnuda en la mano & veot aguijar Asi como semeia en mi la qieres en sayar

Text view • Wordcloud • Manuscript line view • Pageflow view • Named Entity View • Geolocation view