mocedades
Mocedades de Rodrigo. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
Et tenjendo la Jnfanta los
ojos. vio venjr grandes po
deres. ¶ Et dixo el conde mu
ertos somos mal peccado. Ca
hae vos aquj los poderes del
rrey don sancho mj hermano.
¶ Et el conde tendio los oJos
& fue los poderes devissando.
¶ Et conoçio los poderes. &
fue muy ledo & muy pagado
& dixo ala infanta esta es
castilla que me suele bessar la
mano. ¶ Et la jnfanta paro
las cuestas. Et caualgo muy
priuado enla mula del açipreste
el conde. Et de pie yua la jn
fanta. ¶ Et salio del monte
priuado. & quando lo vieron los
castellanos todos se maravi
llaron. Mas nol bessaron la
mano. Nin Sennor non llama
ron. ¶ Ca avian fecho ome
naje. A vna piedra que traxi
eran enl carro. Que trayan
por sennor fasta que fallaron al
conde. ¶ Et tornaron la piedra
a senblança del monte de oca.
al logar donde la sacaron.
¶ E todos al conde por sennor.
le bessaron la mano.
¶ Etste conde ferrnad goncalez
despues que en castilla fue alçaldo
¶ Mato al rey don sancho ordonnez
de nauarra. ¶ Et el fuera en
de gollarlo con su mano.
¶ Et non querya obedeçer el conde.
a moro njn xpistiano.
¶ Et enbiol dezjr al Rey de
leon. fijo de don suero de casso
don alfonso avia por nonbre
¶ El Rey enbio al conde enpla
zar lo. quel venjesse a vistas
& fue el conde muy pagado.
¶ Caualgo el conde commo
omne tan lozano.
¶ E alos treynta dias conta
dos fue el conde al plazo.
¶ Etl plazo fue en saldanna.
Et començole el a preguntar lo.
¶ Et yo maraujllado me fa
go conde commo sodes ossado.
de non me venjr amjs cortes
Nin me bessar la mano.
¶ Ca siempre fue castilla de
leon tributario.
Ca leon es Regno. Et castilla
es condado.
¶ Essas oras dixo el conde.
mucho andades en vano.
Vos estades sobre buena mu
la gruessa & yo sobre buen cauallo.
¶ Porque vos yo sofri me
fago mucho maraujllado.
¶ En aver sennor castilla &
pedir le vos tributaryo.
¶ Essas oras dixo el rrey.
enlas cortes sera Juzgado.
¶ Si obedeçer me deuedes.
si non fincat vos en saluo.
¶ Essas oras dixo el conde.
lleguemos y priuado.
¶ En leon son las cortes.
llego el conde lozano.
¶ Vn cauallo lieua preçiado.
& vn azor enla mano.
¶ Et conpro gelo el rrey.
por aver monedado.
¶ En treynta & çinco mjll maravedis.
fue el cauallo & el azor apreçiado.
¶ Al gallarin gelo vendio el}
conde que
gelo pa.
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view