mocedades
Mocedades de Rodrigo. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
¶ Quando aquesto oyo el conde don ossorio.
amo del rrey don fernando.
¶ Tommo el Rey porlas manos.
& aparte yva sacallo.
Sennor que vos semeJa
que don vos ha demandado.
¶ Mucho lo deuedes agradeçer.
al padre apoderado.
Sennor enbiat por Rodrigo.
& por su padre priuado.
A priessa fazen las cartas
que non lo quieren tardar
Danlas al mensajero
al camjno es entrado.
¶ Quando llego a biuar
don diego estaua folgando
¶ dixo omjllo me. avos sennor
ca vos trayo buen mandado
¶ Etnbia por vos & por vuestro
fijo. el buen rrey don fernando.
vedes aquj sus cartas
firmadas que vos trayo
¶ Que sy dios quesiere
sera ayna Rodrigo encimado
Don diego cato las cartas
Et ovo la color mudado.
Sospecho que porla muerte del [interlineado: conde]
queria el rey matar lo. ¶
¶ Oyt me dixo mj fijo
mjentes catedes acae.
Temome de aquestas cartas
que andan con falsedat.
¶ Et desto los rreys muy ma
las costumbres han
¶ Al rey que vos serujdes.
serujllo muy sin arte.
¶ Assy vos aguardat del commo
de enemigo mortal
ffijo passat vos para faro.
do vuestro tyo Ruy laynez esta.
¶ Et yo yre ala corte.
do el buen Rey esta.
¶ Et sy a por aventura el rey me [interlineado: matar]
Vos & vuestros tios poder me hedes
¶ vengar. Ally dixo Rodrigo.
Et esso non seria la verdat.
¶ por lo que vos passaredes.
por esso quiero yo passar
¶ Maguer sodes mj padre
qujero vos yo aconsejar.
Treçientos caualleros
todos convusco los leuat
Ala entrada de çamora
Sennor amj los dat
¶ Essa ora dixo don diego
pues pensemos de andar
¶ Metense alos camjnos
para çamora van.
Alla entrada de çamora
alla do duero cay
Armanse los trezjentos
& rodrigo otro tale
¶ desquelos vio Rodrigo
armados. començo de fablar
¶ Oyt me dixo amjgos pari
entes & vasallos demj padre
¶ Aguardat vuestro sennor sin en
ganno & sin arte.
Sy vieredes que el alguazil lo
quisiere prender mucho a priessa
lo matat.
Tan negro dia aya el rey
commo los otros que ay estan.
Non vos pueden dezjr traydores
por vos al rey matar
Que non somos sus vasallos
njn dios non lo mande.
Que mas trayador serya el rey
Sy amj padre matasse
Por yo matar mj.
enemigo en buena
lid en campo.
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view