mocedades
Mocedades de Rodrigo. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
Et a Reçebirlas sale.
Donde son aquestas freyras.
que algo me vienen demandar.
Dezir vos hemos sennor.
que non avemos por que vos lo negar.
ffijas somos del conde don.
gormaz. & vos le mandastes.
matar
Prissistes nos los hermanos.
Et tenedes los aca.
¶ Et nos mugieres somos
que non ay quien nos anpare.
Essas oras dixo don diego.
non deuedes amj culpar.
Pedit las a Rodrigo.
sy vos las quesiere dar.
prometolo yo a xpistus.
amj non me puede pessar.
Aquesto oyo Rodrigo comenzo.
de fablar.
Mal fezistes sennor.
deuos negar la verdat.
Que yo sere vuestro fijo.
Et sere de mj madre.
Parat mjentes al mundo.
Sennor por carydat.
Non han culpa las fijas.
por lo que fizo el padre.
Dat les a sus hermanos.
que muy menester los han.
Contra estas duennas.
mesura deuedes catar.
¶ Ally dixo don don diego.
fijo mandat gelos dar.
Sueltan los hermanos.
alas duennas los dan.
Quando ellos se vieron fuera.
en saluo comenzaron de fablar.
¶ Quinze dias possieron de plazo.
a Rodrigo & asu padre.
Quelos vengamos quemar.
de noche enlas cassas de biuar.
¶ ffablo ximena gomez la menor.
Mesura dixo hermanos.
por amor de caridat.
yr me para camora.
al Rey don fernando querellar.
Et mas fincaredes en saluo.
Et el derecho vos dara.
Alli caualgo ximena gomez.
tres doncellas con ella van.
¶ Et otros escuderos quela avian de guardar.
llegaua a zamora.
do la corte del Rey esta.
llorando delos [interlineado mano 2: ojos] [mano 1] & pediendol piedat.
Rey duenna so lazrada.
Et ave me piedat.
Orphanjlla finque pequenna.
dela condessa mj madre.
ffijo de don diego laynez.
ffizo me mucho mal.
Prisso me mjs hermanos.
& matome a mi padre.
A vos que sodes Rey.
vengo me a querellar
¶ Sennor por merçed
derecho me mandat dar
Mucho pesso. al rey.
Et començo de fablar
En grant coyta son mjs Reynos
castilla alçar se me ha.
¶ Et sy se me alçan castellanos
ffazer me han mucho mal.
Quando lo oyo ximena gomez
las manos le fue bessar
¶ Merçed dixo sennor.
non lo tengades a mal.
Mostrar vos he assosegar
a castilla. & alos reynos otro tal
Dat me a Rodrigo por marido
aquel que mato amj padre.
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view