mocedades
Mocedades de Rodrigo. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
¶ Por castilla dan los pregones
por tan buen rrey que alçaron.
¶ Este fue el primero Rey que
castellanos ovieron.
¶ Con grand onrra & grand
prez. grandes alegrias fezjeron.
¶ Etl buen rrey sancho avarca.
comenzo. de rreynar & mando fazer
sennas tendidas en cada logar
¶ Con fija del Rey de françia se
ovo a despossar
¶ Et dio gela de grado. non le fezjeron
al. Et la ynfanta dizen donna ysabel.
E esta fue Reyna de prestar
El rrey don sancho.
avarca fue por ella.
Ca tiempo avia de cassar con ella.
¶ A los puertos de aspa gela
traxieron Etl Rey de francia.
Et el ally fue a tomar la.
¶ grandes alegrias han en espanna
quando el rrey conla rreyna vieron tornar
¶ Et mayor los castellanos.
quando la mano le fueron bessar
¶ Et el conde don pedro de pa
lençia. a burgos le fue conbidar
¶ Rey don sancho auarca.
por amor de caridat.
fijo del conde don sancho
mj Sennor natural.
¶ vayamos a palençia.
mjo conbite tomar.
¶ Ca siempre vos serujre
mjentra mj vida durar.
¶ dixo estonçe el rrey bueno.
fazer lo he de grado.
¶ En tal que enla mj vida nunca
seades menguado.
¶ Esto fue nueue dias ante
de sant iohan.
¶ Quando el Rey don sancho llego
a palençia yantar
¶ Brauo era el val de palençia
ca non avia y poblado.
¶ Synon do llaman santa maria.
el antigua do moraua el conde lozano.
¶ Salieron se a folgar
desque ovieron yantado.
¶ E passaron las aguas
amos de mano a mano.
¶ affondose la mula.
conel Rey en vn soterr[tachado: a]anno.
¶ Acorrense las gentes.
& sacaron al Rey en saluo.
¶ Por los braços quebro la mula.
non la caualgo mas omne nado.
¶ El rrey tendio los ojos. & vio
por el soterranno. descender.
vna escalera de vn canto labrado.
¶ demando por vn cauallero
que dezian bernardo.
¶ diz entra bernardo por essa esca
lera. & cata este soterranno
¶ dixo bernaldo sennor plaze
me de granado.
¶ bernardo quando desçendio vio
vn pozo cavado.
¶ E a par de aquel pozo.
vio estar vn altar
¶ Et de susso vn escripto.
Et començolo de catar.
ffallo que sant antolin martir
yazja en aquel logar
¶ Et vio vna piedra con letras
Et començola de catar
& vio que trezientos annos
avia que era somjdo aquel logar.
¶ E vino se para el Rey & dixol
en porydat.
¶ Sennor commo me semeja.
cuerpo santo yaze en este logar.
¶ Quando el rrey. al conde fue tornado.
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view