cid
Poema de mio Cid. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
A todos sos varones mado fazer vna carcaua
Q de dia ni de noch no les diessen arebata
Q sopiessen q myo çid alli auie fincança
Por todas essas trras yua los madados
Q el campeador myo çid alli auie poblado
Venido es a moros exido es de xpianos
En la su vezindad no se treuen ganar tanto
Agardando seua myo çid co todos sus vassallos
El castiello de alcoçer en paria ua entrando
Los de alcoçer a myo çid yal dan parias de grado
E los de teca & los de teruel la casa
Alos de calatauth sabet males pesaua
Ali yogo myo çid complidas .x.v. semanas
Qando vio myo çid q alcoçer no sele daua
El fizo vn art & non lo de tardaua
Dexa vna tienda fita & las otras leuaua
Coio salon ayuso la su sena alçada
Las lorigas vestidas & çintas las espadas
Aguisa de menbrado por sacar los açelada
Veynen lo los de alcoçer dios como se alabauan
Falido a amyo çid el pan & la çeuada
Las otras a bes lieua vna tienda a dexada
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view