cid
Poema de mio Cid. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
Esora el yfante tan grandes vozes daua
Valme dios glioso senor & curiam deste espada
El cauallo asorrienda & mesurandol del espada
Sacol del moio mr antoljnez en el campo fincaua
Essora dixo el Rey venid uos ami compana
Por qanto auedes fecho vençida auedes esta batalla
Otorgan gelo los fieles q dize verdadera palabra
Los dos han arrancado djreuos de muno gustioz
Con assur gonçalez como se adobo
Firienssen en los escudos vnos tan grandes colpes
Assur golez furçudo & de valor
Firio enel escudo a don muno gustioz
Tras el escudo falsso gela guarnizon
En vazio fue la lança ca en carne nol tomo
Este colpe fecho otro dio muno gustioz
Tras el escudo falsso gela guarnizon
Por medio de la bloca del escudol qbranto
Nol pudo guarir falsso gela guarnizon
A part le piso q non cabel coraçon
Metiol por la carne adentro la lança conel pendon
Dela otra part vna braça gela echo
Con el dio vna tuerta dela siella lo en camo
Al tirar dela lança en tierra lo echo
Vermeio salio el astil & la lança & el pendon
Todos se cuedan q ferido es de muert
La lança Recombro & sobrel se paro
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view