cid
Poema de mio Cid. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
El Rey alço la mano la cara se scigo
Hyo lo juro par sant esidro el de leon
Q en todas nras trras non ha tan bue varon
Myo çid enel cauallo adelant se lego
Fue besar la mano a so senor alfonsso
Mandeastes me mouer abauieca el corredor
En moros ni en xianos otro tal non ha oy
Hy uos le do en don mandedes le tomar senor
Essora dixo el Rey desto non he sabor
Si a uos le tollies el cauallo no haurie ta buen senor
Mas atal cauallo cum est pora tal como vos
Pora arrancar moros del canpo & ser segudador
Qien vos lo toller qisiere nol vala el ciador
Ca por uos & porel cauallo ondrados somo nos
Essora se espidieron & luegos partio la cort
El campeador alos q ha lidiar tan bie los castigo
Hya martin antolinez & vos po vermuez
E muno gustioz firmes sed en campo aguisa de varones
Buenos mandados me vayan a valençia de vos
Dixo martin antolinez por q lo dezides senor
Preso auemos el debdo & a passar es por nos
Podedes oyr de muertos ca de vencidos no
Alegre fue da qsto el q en buen ora naçio
Espidios de todos los q sos amigos son
Myo çid pora valençia & el Rey pora carrion
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view