cid
Poema de mio Cid. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
Firios atrra myo çid el campeador
Biltar se qiere & ondrar aso senor
Qando lo oyo el Rey por nada non tardo
Para sant esidro verdad non sera oy
Caualgad çid si non no auria ded sabor
Saludar nos hemos dalma & de coraçon
Delo q auos pesa ami duele el coraçon
Dios lo mande q por uos se ondre oy la cort
Amen
dixo myo çid el campeador
Beso le la mano & despues le saludo
Grado adios qando uos veo senor
Omillom auos & alconde do Remond
E al conde don arrich & a qantos q y son
Dios salue a nros amigos & auos mas senor
Mi mug dona ximena duena es de pro
Besa uos las manos & mis fijas amas ados
Desto q nos abino q uos pese senor
Respondio el Rey si fago sin salue dios
Pora tolledo el Rey tornada da
Essa noch myo çid taio no qiso passar
Merçed ya Rey si el ciador uos salue
Penssad senor de entrar ala çibdad
E yo co los myos posare a san seruan
Las mis companas esta noche legaran
Terne vigilia en aqste sco logar
Cras manana en trare ala çibdad
E yre ala cort en antes de iantar
Dixo el Rey plazme de veluntad
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view