Poema de mio Cid. Edición digital

This is where the footnotes go.

Opciones de visualización

Texto: Transcripción Forma expandida Forma normalizada - Mostrar: Colores Formato <lb> Líneas Versos Escriba Escriba 2 Escriba 3 Imágenes - Etiquetas: Etiqueta POS Lema

Javascript seems to be turned off, or there was a communication error. Turn on Javascript for more display options.

Aqste consseio los yfantes de carrion Legaua el plazo qrien yr ala cort En los pimeros va el buen Rey don alfonsso El conde don anrrich & el conde don Remod Aqste fue padre del buen enperador El conde don fruella & el conde don beltran Fueron y de su Reyno otros muchos sabidores De toda castiella todos los meiores El conde don garçia con yfantes de carrion E asur gonçalez & gonçalo assurez E diego & ferrando y son ados amos ados E con ellos grand bando q aduxieron ala cort Ebayr le cuydan a myo çid el campeador De todas partes alli iuntados son Avn non era legado el q en buen ora naçio Por q se tarda el Rey non ha sabor Al qinto dia venido es myo çid el campeador Aluar fanez adelantel en bio Q besasse las manos al Rey so senor Bien lo sopiesse q y serie essa noch Qando lo oyo el Rey plogol de coraçon Con grandes yentes el Rey caualgo E yua Reçebir alq en bue ora naçio Bien aguisado viene el çid co todos los sos Buenas conpanas que assi an tal senor Qando lo ovo a oio el bue Rey don alfonsso