cid
Poema de mio Cid. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
Debdo nos es a cunplir lo q mandaredes vos
Assi uos pedimos merçed nos amas ados
Q ayades uros menssaies en trras de carrio
Abraçolas myo çid & saludolas amas ados
El fizo aqsto la madre lo doblaua
Andad fijas daqi el ciador vos vala
De mi & de uro padre bie avedes nra graçia
Hyd a carrio do sodes hedadas
Assi como yo tengo bie uos he casadas
Al padre & ala madre las manos les besauan
Amos las bendixiero & diero les su graçia
Myo çid & los otros de caualgar penssaua
Agrandes guarnjmientos a cauallos & armas
Hya salien los yfantes de valençia la clara
Espiendos delas duenas & de todas sus companas
Por la huerta de valençia teniendo salien armas
Alegre va myo çid co todas sus companas
Violo en los auueros el q en bue ora çinxo espada
Q estos casamientos non serien sin alguna tacha
Nos puede Repentir q casadas las ha amas
Oheres myo sobrino tu felez munoz
Primo eres de mis fijas amas dalma & de coraçon
Mandot q vayas con ellas fata dentro en carrion
Veras las heredades q a mis fijas dadas son
Con aqstas nueuas vernas al campeador
Dixo felez munoz plazme dalma & de coraçon
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view