cid
Poema de mio Cid. Edición digital
Opciones de visualización
Texto: - Mostrar: - Etiquetas:
Javascript seems to be turned off, or there was a communication error. Turn on Javascript for more display options.
Comed conde deste pan & beued deste vino
Si lo q digo fizieredes saldredes de catiuo
Si no en todos uros dias non veredes xianismo
Dixo el conde don Remont comede do Ro & penssedes de folgar
Q yo dexar me morir q non qiero comer
Fasta terçer dia nol pueden acordar
Ellos partiendo estas ganançias grandes
Nol pueden fazer comer vn muesso de pan
Dixo myo çid comed conde algo casi no comedes no veredes xpianos
E si uos comieredes do yo sea pagado
Auos & dos fijos dalgo qitar uos he los cuerpos & daruos e de mano
Qando esto oyo el conde yas yua alegrando
Si lo fizieredes çid lo q auedes fablado
Tanto qanto yo biua sere dentde marauillado
Pues comed conde & qando fueredes iantado
Auos & a otros dos dar uos he de mano
Mas qanto auedes perdido & yo gane en canpo
Sabet non uos dare auos vn dino malo
Mas qanto auedes perdido non uos lo dare
Ca huebos melo he & pora estos myos vassallos
Q comigo andan lazrados & no uos lodare
Prendiendo deuos & de otros yr nos hemos pagando
Abremos esta vida mientra plogiere al padre sco
Como q yra a de Rey & de trra es echado
Alegre es el conde & pidio agua alas manos
E tienen gelo delant & dieron gelo priuado
Leyenda: | Expansión • Tachado• Ilegible• Editor |
Descargar XML • Descargar texto
• Wordcloud • Facsimile view • Manuscript line view • Pageflow view